Adnoddau addysgol

Dyma gyfle i weld a lawrlwytho adnoddau addysgol sydd wedi’u cynhyrchu yn rhan o Ecostructure, gan gynnwys fideos, taflenni ffeithiau, canllawiau adnabod a’n llythyrau newyddion ynghylch arfer gorau.

ADNOD 1

Fideos

Gallwch wylio pob un o’n fideos ar ein sianel YouTube . Gwyliwch rai o’r uchafbwyntiau isod i ddechrau, yna ewch i YouTube i weld pob un o’r fideos a gynhyrchwyd yn ystod y prosiect.

Gwella Bioamrywiaeth Strwythurau Artiffisial Morol

Gwella bioamrywiaeth strwythurau artiffisial morol o ddiddordeb cynyddol, gyda hwb polisi ac awydd diwydiant i ymgorffori seilwaith sy’n gyfeillgar i fioamrywiaeth mewn datblygiadau morol ac arfordirol. Gan ddilyn dulliau a ddatblygwyd gan y prosiect Tystiolaeth Cadwraeth , fe wnaethom grynhoi’r dystiolaeth ddogfennol ar gyfer effeithiolrwydd camau cadwraeth y gellir eu cymryd i wella bioamrywiaeth adeileddau artiffisial morol. Edrychwch ar y fideo esboniwr animeiddiedig isod i ddysgu mwy!

Edrychwch ar yr adnodd ar-lein yma neu lawrlwythwch y crynodeb llawn yma .

Fideos gan ymchwilwyr

Dyma gyfle i chi ddod i adnabod ymchwilwyr Ecostructure a’r gwaith a gyflawnwyd ganddynt, yn y fideos byr hyn sy’n ymdrin ag amryw agweddau ar y prosiect.

Gweld y rhestr chwarae lawn gyda phob un o'r deg fideo yma .

Cynhadledd Derfynol Ecostructure

Dyma gyfle i chi wylio’r cyflwyniadau yn ein Cynhadledd Derfynol ym mis Mehefin 2022, sy’n crynhoi ein gweithgareddau ymchwil a’n canfyddiadau yn ystod y prosiect..

Gweler y rhestr chwarae lawn yma .

Fideos 360°

Dyma gyfle i chi wylio fideos sy’n defnyddio technoleg ymgolli 360° i archwilio arfordir Môr Iwerddon, dan y dŵr ac uwchben y dŵr..

Gweler y rhestr chwarae lawn yma .

ADNOD 2

Taflenni ffeithiau a chanllawiau adnabod

Creodd Ecostructure daflenni ffeithiau, canllawiau maes, a byrddau gwybodaeth i esbonio eco-beirianneg a bioddiogelwch i amrywiaeth o gynulleidfaoedd. Dyluniwyd a chynhyrchwyd gan dîm cyfathrebu Ecostructure (Amy Dozier a Kathrin Kopke o Goleg Prifysgol Cork).

A fact sheet about marine invasive species created by Amy Dozier on the Ecostructure project.

TAFLEN FFEITHIAU

Rhywogaethau goresgynnol arfordirol

Un o’r bygythiadau byd-eang mwyaf i fioamrywiaeth ac ecosystemau yw’r ffaith bod rhywogaethau estron goresgynnol yn cael eu cyflwyno ac yn ymledu. Mae rhywogaethau goresgynnol yn tueddu i ymledu i’r graddau lle maent yn bygwth gallu bywyd gwyllt brodorol i oroesi neu lle maent yn niweidio’r amgylchedd, yr economi neu iechyd pobl. Rydym wedi creu taflen ffeithiau i’ch helpu i ddysgu mwy am rywogaethau goresgynnol morol, a dysgu mwy am yr hyn yr ydym yn ymchwilio iddo a’r hyn y gallwch chi ei wneud i atal y rhywogaethau goresgynnol hyn rhag ymledu. Beth am argraffu’r daflen ffeithiau ar gyfer eich myfyrwyr, eich sefydliad neu’ch busnes, neu’i darllen eich hun, drwy glicio ar y botymau isod.

Addas ar gyfer ysgolion a dosbarthiadau
Gwych ar gyfer gweithdai

Saesneg Cymraeg

A fact sheet about DNA Barcoding, produced for Ecostructure.

TAFLEN FFEITHIAU

DNA amgylcheddol a barcodio DNA

Mae llawer o ymchwil Ecostructure yn golygu defnyddio DNA amgylcheddol a barcodio DNA. Gallwch ddysgu am y ddau gysyniad hyn, ac am sut yr ydym yn eu defnyddio, yn y pecyn hwn o daflenni ffeithiau. Maent yn addas i oedolion ifanc ac oedolion sy’n awyddus i ddysgu mwy am sut y caiff geneteg ei defnyddio i adnabod rhywogaethau estron goresgynnol morol. Gallwch lawrlwytho’r taflenni ffeithiau yn Gymraeg ac yn Saesneg isod.

Addas ar gyfer myfyrwyr oed coleg

Saesneg Cymraeg

Ecostructure’s seashore snail field guide for identifying marine snails.

CANLLAWIAU ADNABOD

Canllaw i adnabod malwod ar lannau’r môr

Buodd Ecostructure yn cynnal menter gwyddoniaeth y bobl er mwyn cyfrannu achosion o weld malwod ar hyd glannau Môr Iwerddon. Yn rhan o’r Arolwg hwn o Falwod ar Lannau’r Môr, gwnaethom greu canllaw defnyddiol i’w ddefnyddio yn y maes, er mwyn eich helpu i adnabod malwod cyffredin a welir ar lannau creigiog. Defnyddiwch y canllaw hwn, y mae modd ei argraffu, i adnabod y gragen foch, y top môr porffor a’r top môr danheddog.

Gwych i deuluoedd a myfyrwyr

Saesneg Cymraeg

BWRDD GWYBODAETH

Byrddau Gwybodaeth ar Eco-beirianneg

Gosodwyd byrddau gwybodaeth gennym i esbonio ac i gyd-fynd â gosodiadau eco-beirianyddol arbrofol o amgylch Iwerddon (Kilmore Quay, Co. Wexford a Malahide Marine) a Chymru (Cei Newydd, Prestatyn, ac Aberdaugleddau). Mae'r rhain yn rhoi trosolwg o eco-beirianneg a chynlluniau amrywiol y gellir eu hymgorffori i gynyddu'r fioamrywiaeth a geir ar strwythurau arfordirol artiffisial.

Diolch i Farina Malahide, Cyngor Sir Wexford, Cyngor Sir Ceredigion, Cyngor Sir Ddinbych, Ymddiriedolaeth Natur De Cymru, a Chanolfan Bywyd Gwyllt Morol Bae Ceredigion am ganiatáu i ni osod arbrofion a byrddau gwybodaeth.

Bwrdd gwybodaeth yng Nghymru Bwrdd gwybodaeth yn Iwerddon

A fact sheet about the Carpet Sea Squirt (Didemnum vexillum) by the Ecostructure project.

TAFLEN FFEITHIAU

Taflen ffeithiau am y chwistrell fôr garped

Mae’r chwistrell fôr garped (Didemnum vexillum) yn rhywogaeth forol oresgynnol sy’n dod yn wreiddiol o Japan ac sy’n dechrau ymledu ar hyd arfordiroedd Cymru ac Iwerddon. Buodd Ecostructure yn ymchwilio i boblogaethau’r chwistrell fôr garped ym Môr Iwerddon, gan archwilio a oes gan rai poblogaethau addasiadau genetig sy’n eu galluogi i ymledu’n gynt. I ddysgu mwy am y chwistrell fôr garped, edrychwch ar y daflen ffeithiau ganlynol neu lawrlwythwch hi, ac mae yna groesair hefyd er mwyn i chi roi prawf ar eich gwybodaeth!

Yn addas ar gyfer myfyrwyr uwchradd uwch a choleg
Addas ar gyfer gweithdai

Saesneg Cymraeg

ADNOD 3

Llythyrau newyddion y prosiect

Roedd llythyrau newyddion y prosiect yn adroddiadau deniadol, hawdd eu darllen, am uchafbwyntiau ymchwil Ecostructure bob blwyddyn. Isod, fe welwch ein llythyrau newyddion o 2017 - 2021 yn Gymraeg ac yn Saesneg. Dyluniwyd gan Amy Dozier o MaREI, Coleg Prifysgol Corc.